2024-жылдын 26-мартында ТҮРКПА делегациясы Түркмөнстандын Ахал областынын Анев шаарында Түркмөнстандын Маданият министрлиги жана ТҮРКСОЙ биргелешип уюштурган “Анев – 2024-түрк дүйнөсүнүн маданий борбору” ачылыш аземине катышты.
Иш-чаранын алкагында түрк элдеринин көркөм кол өнөрчүлүк көргөзмөсүнүн ачылышы, түрк элдеринин боз үйлөрү менен павильондорунун көргөзмөсү, ошондой эле түрк дүйнөсүнүн өнөрпоздорунун катышуусунда биргелешкен концерт уюштурулду. Концерттин расмий бөлүгүн Түркменстан Министрлер Кеңешинин Төрагасынын орун басары Махрижемал Маммедова ачып, Түркмөнстандын Президенти Сердар Бердымухамедовдун кайрылуусун окуп берди.
Иш-чарага Түркмөнстандын тышкы иштер министри Рашид Мередов, Түркмөнстандын маданият министри Атагелди Шамурадов, ТҮРКСОЙдун Башкы катчысы Султан Раев, Түрк мамлекеттер уюмунун Башкы катчысы Кубанычбек Өмүралиев, Түрк академиясынын Президенти Шахин Мустафаев, Түрк маданияты жана мурасы фондунун Президенти Актоты Райымкулова, Казакстан Республикасынын Маданият жана маалымат министринин орун басары Ербол Аликулов, Кыргыз Республикасынын Маданият, маалымат, спорт жана жаштар саясаты министринин орун басары Марат Тагаев, Түркия Республикасынын Маданият жана туризм министринин орун басары Сердар Чам, Өзбекстан Республикасынын Маданият министринин орун басары Муроджон Меджидов, ТИКАнын Президенти Серкан Каялар, Венгриянын Улуттук Ассамблеясынын депутаты Петер Хоппал, элчилер жана башка даражалуу кызмат адамдары катышты.
Ачылыш аземине ТҮРКСОЙдун Башкы катчысы Султан Раев жана Түрк мамлекеттер уюмунун Башкы катчысы Кубанычбек Өмүралиев катышты. Баяндамачылар түркмөн элинин ыйык мекени, улуу түркмөн тарыхынын жана кайталангыс маданий мурасынын борбору катары Анев шаарынын маанилүү ролу баса белгилешти.
2024-жылдын 27-мартында Башкы катчы Мехмет Сүрейя Эр «Аневдин байыркы маданияты» аттуу Эл аралык илимий конференцияга катышты.
Иш-чарада Түркмөнстан Министрлер Кеңешинин Төрагасынын орун басары Нурмухаммет Аманнепесов, ТҮРКСОЙдун Башкы катчысы Султан Раев, ТҮРКПАнын Башкы катчысы Мехмет Сүрейя Эр, Түрк академиясынын Президенти Шахин Мустафаев, Түрк маданияты жана мурасы фондунун Президенти Актоты Райымкулова, легендарлуу америкалык саякатчы Рафаэль Пумпеллинин чөбөрөсү сөз сүйлөштү.
Конференцияда сөз сүйлөгөн Башкы катчы Мехмет Сүрейя Эр ТҮРКСОЙдун иш-чараларынын жана долбоорлорунун флагмандык уюм катары жалпы түрк маданиятын жайылтуудагы маанилүүлүгүн баса белгиледи. Башкы катчы түрк кызматташтык уюмдарынын ишинде маданий фактордун маанилүү ролуна токтолду. Ассамблеянын артыкчылыктуу багыттарынын бири катары Түркмөнстан менен кызматташтыкты өнүктүрүүнү жана бул контекстте Түркмөнстан Парламентинин акыркы жылдардагы ТҮРКПАнын ишмердүүлүгүнө катышып келүүсүн баса белгилеп, Ассамблеянын артыкчылыктуу багыттарынын бири катары Түркмөнстан менен кызматташууну өнүктүрүүнү жана бул контекстте Түркмөнстан парламентинин акыркы жылдардагы ТүркПАнын ишмердүүлүгүнө катышуусун белгилеген Башкы катчы жакын арада Түркмөнстандын Парламентинин Ассамблеяга толук укуктуу мүчө катары кошулушуна ишенимин билдирди.
Конференциянын жыйынтыгында катышуучулар Улуу Сапармурат Түркмөнбашы атындагы “Ак Бугдай” улуттук музейинде өткөн ТҮРКСОЙго мүчө мамлекеттердин мамлекеттик музейлеринин директорлорунун Үчүнчү жыйынына катышты.
Иш-чара Анев шаарында түркмөн элинин улуттук лидери, Түркмөнстандын Халк Маслахатынын Төрагасы Гурбангулы Бердымухамедовтун катышуусу менен теолог Сейит Жемалетдин атындагы жаңы мечиттин ачылыш аземи менен уланып, андан соң коноктордун урматына ифтар дасторкону менен аяктады.
