Friday, 30 September 2022, 13:28:05 — Baku (UTC+4)
Түркі мемлекеттерінің Парламенттік Ассамблеясы

ТҮРКПА ҚТЭЫПА 58-ші Бас Ассамблеясына қатысты

2021 жылғы 22 қарашада ТҮРКПА Бас хатшысының орынбасары виртуалды форматта өткен Қара теңіз экономикалық ынтымақтастығы Парламенттік Ассамблеясының (ҚТЭЫПА) 58-ші Бас Ассамблеясына қатысты.

Бас Ассамблеяға ҚТЭЫПА мүше елдердің парламенттік делегациялары, бақылаушы ұйымдар және шақырылған құрылымдар қатысты.

ҚТЭЫПА Төрайымы Кристина-Мадалина Пруна ханым пленарлық отырысты ашты. Күн тәртібінің тармақтары төрағалықты тапсыру, ҚТЭЫПА комитеттерінің баяндамалары мен ұсынымдарын, сондай-ақ ҚТЭЫ-ның, оның тиісті органдарының және секторалдық диалог бойынша әріптестерінің қызметі туралы ақпаратты қамтыды.