Monday, 23 May 2022, 00:35:46 — Baku (UTC+4)
Түрк Тилдүү Ѳлкѳлѳрдүн Парламенттик Ассамблеясы

Башкы катчы ТИКАнын Бишкектеги программа координатору менен жолугушту

2022-жылдын 12-январында ТҮРКПАнын Башкы катчысы Мехмет Сүрейя Эр жетектеген делегация Түрк кызматташтык жана координация агенттигинин (ТİKA) Бишкектеги Программалык координациялык офисине сапар жасады. Программанын координатору Осман Уста Башкы катчыга ТИКАнын Кыргыз Республикасындагы маанилүү долбоорлору жана келечектеги иш-чаралары жөнүндө маалымат берди.

Башкы катчы ТИКАнын Бишкектеги программалык координациялык офисинин кыргыз элинин социалдык жыргалчылыгына салым кошкон иштеринин маанилүүлүгүн баса белгиледи.

ТҮРКПА делегациясы ТИКА тарабынан ишке ашырылган ири долбоорлордун бири болгон, кардиологияга адистешкен, ошондой эле жогорку технологиялык медициналык операцияларды жүргүзгөн Кыргыз-Түрк Достугу ооруканасынын имараты менен да таанышты.

ТИКА 1992-жылы Советтер Союзу тарагандан кийин Борбор Азия жана Кавказдагы Түрк мамлекеттерине техникалык жардам көрсөтүү максатында түзүлгөн уюм. Бирок 2002-жылдан бери Түрк өкмөтүнүн көп тараптуу тышкы саясатына ылайык, Азиянын, Африканын жана Латын Америкасынын дээрлик бардык өнүгүп келе жаткан өлкөлөрүн камтуу үчүн ТИКАнын жардам көрсөтүү боюнча ишмердүүлүгү кеңейтилген. Бүгүнкү күндө ТИКА 5 континенттеги 60 өлкөдө жайгашкан 62 программаларды координациялоо өкүлчүлүктөрү аркылуу 150дөн ашуун өлкөдө ишмердигин жүргүзүп келе жатат.